Çempionlar Liqasında mövsümün oyunçuları və heyəti müəyyənləşdi
UEFA Çempionlar Liqasında mövsümün ən yaxşı futbolçuları və rəmzi komandası müəyyənləşib.
Mediasport.az xəbər verir ki, çempion "Real"ın braziliyalı vingeri Vinisius Junyor 10 oyun, 6 qol və 5 məhsuldar ötürmə ilə mövsümün ən yaxşı futbolçusu seçilib.
"Sambaçı"nın komanda yoldaşı Cud Bellingem ən gənc oyunçu ünvanına yiyələnib.
Bu iki ulduzla yanaşı, tarixində 15-ci dəfə kuboku başı üzərinə qaldıran Karlo Ançelottinin komandasından Antonio Rüdigerlə Dani Karvaxal da simvolik heyətə düşüb.
Xatırladaq ki, İspaniya nəhəngi həlledici dueldə Dortmund "Borussiya"sını məğlub edib - 2:0.
Qapıçı: Qreqor Kobel ("Borussiya" D.);
Müdafiəçilər: Yan Maatsen, Mats Hummels (hər ikisi "Borussiya" D.), Antonio Rüdiger, Dani Karvaxal (hər ikisi "Real" M.);
Yarımmüdafiəçilər: Vitinya (PSJ), Marsel Sabitzer ("Borussiya" D.), Cud Bellingem ("Real" M.);
Hücumçular: Fil Foden ("Mançester Siti") Harri Keyn ("Bavariya"), Vinisius Junyor ("Real" M.).
