"Ərazi üstünlüyü və çoxlu qol epizoduna görə 3 xal vermirlər"
!["Ərazi üstünlüyü və çoxlu qol epizoduna görə 3 xal vermirlər"](https://mediasport.az/uploads/images/202310/image_750x_6521cc247745c.jpg)
"Ərazi üstünlüyü bizim tərəfimizdə idi. Çoxlu qol fürsətləri yaratdıq. Yenə də standart vəziyyətdən qol buraxdıq"
Mediasport.az xəbər verir ki, bunu "Sabah"ın baş məşqçisi Murad Musayev deyib.
Rusiyalı mütəxəssis Premyer Liqanın 9-cu turunun "Araz-Naxçıvan"la görüşü barədə fikirlərini bölüşüb:
- Amma futbolçularıma əhsən düşür, ruhdan düşmədilər, sona qədər mübarizə apardılar və hesabı bərabərləşdirdilər. Lakin ərazi üstünlüyünə və qol epizodlarının çoxluğuna görə 3 xal vermirlər. Ümid edirəm ki, milli komandalara görə yanaracaq fasilə bizim xeyrimizə işləyəcək. Nəzərə alaq ki, komandanın yarısı bizimlə olmayacaq. Bir-birimizlə anlaşmanı da artırmalıyıq".
Musayev daha çox xal toplamalı olduqlarını bildirib: "Qələbə qazanmaq lazımdır. Bəlkə də bəzən pis oynayaraq üç xal qazanmaq da olar. Ən vacibi qələbələr qazanmağa başlamaqdır".
Qeyd edək ki, Premyer Liqada 7 turdur qələbə qazana bilməyən Masazır təmsilçisi evdə "Araz-Naxçıvan"la bərabərə qalıb - 1:1.