Azərbaycanlı hakim Zaqreb "Dinamo"sunun matçına təyinat aldı
Azərbaycanın beynəlxalq dərəcəli voleybol hakimi Fuad Ağayev yeni mövsümdə qadınlar arasında keçiriləcək avrokubok oyununa təyinat alıb.
Mediasport/az xəbər verir ki, o, Türkiyənin “Kuzeyboru” və Xorvatiyanın “Dinamo" (Zaqreb) komandaları arasında CEV kubokunun 1/16 final ilk qarşılaşmasını idarə edəcək.
Qarşılaşmanın digər hakimi Nikolaos Angelides (Yunanıstan) olacaq.
Görüş noyabrın 5-də Aksaray idman kompleksində keçiriləcək.
