"Gəncə" Bakıda "Ordu"nu üstələdi və B qrupunun şəriksiz lideri oldu
Azərbaycan Basketbol Liqasında 3-cü turun görüşləri davam edir.
Mediasport.az xəbər verir ki, Bakı İdman Sarayında "Gəncə" "Ordu" üzərində qələbə qazanıb (82:61) və B qrupunun vahid lideri olub.
Gəncə təmsilçisi buna qədər "Lənkəran" (90:75) və "Quba"nı (90:62) da məğlub etmişdi.
Günün digər oyunu 16:00-da start götürəcək və "Quba" "Lənkəran"la münasibətlərinə aydınlıq gətirəcək.
Xatırladaq ki, tura oktyabrın 29-da start verilmişdi və "Naxçıvan" "Sərhədçi"ni üstələmişdi (83:66).
