Hakimi söyən "Sabah"ın serbiyalı futbolçusuna 4 oyunluq cəza
![Hakimi söyən "Sabah"ın serbiyalı futbolçusuna 4 oyunluq cəza](https://mediasport.az/uploads/images/202310/image_750x_651bdb8e855a2.jpg)
AFFA İntizam Komitəsi "Sabah"ın futbolçusu Boyan Letiçi ikisi şərti olmaqla 4 oyunluq cəzalandırıb.
Mediasport.az xəbər verir ki, buna 30 yaşlı müdafiəçinin "Səbail"lə heç-heçə (2:2) etdikləri Premyer Liqanın VIII tur oyununun 90+4-cü dəqiqəsində hakimi təhqir etdiyi üçün qırmızı vərəqə alması səbəb olub.
Paytaxt təmsilçisi serbiyalı legionerə görə 3000 manat cərimələnib. Letiçə 3 ay sınaq müddəti təyin edilib.
Bundan əlavə, hər iki klub futbolçuları sözügedən matçda 4 sarı vərəqə aldığı üçün 700 manat ziyana düşüblər.