"Hansı çatışmazlıqlar olduğunu hər iki matçda gördük" - Baxşıyev
"Hər iki oyundan razı qaldıq. Nə düşünmüşdüksə, komanda onu yerinə yetirməyə çalışdı"
Mediasport.az xəbər verir ki, bu fikirləri "Araz-Naxçıvan"ın baş məşqçisi Elmar Baxşıyev səsləndirib.
Mütəxəssis "Səbail"lə yoldaşlıq matçı haqqında fikirlərini bölüşüb, komandanın ümumi hazırlığını dəyərləndirib:
"Hər iki oyundan razı qaldıq. Yenə hər hissədə fərqli heyətlə oynadıq və futbolçulara eyni yükləməni verdik. Hansı çatışmazlıqlar olduğunu hər iki matçda gördük. Qarşıdakı məşq proseslərinda optimal formaya yaxınlaşacağıq".
Qeyd edək ki, "Azərsun Arena"da baş tutan "Araz-Naxçıvan" - "Səbail" matçı Naxçıvan təmsilçisinin 2:1 hesablı qələbəsi ilə yekunlaşıb.
