İngiltərə, İtaliya və Almaniyada oynayan futbolçular Bakıya gəlir
Bu ay Bakıda keçiriləcək “FİFA Series” layihəsi üzrə mini-turnirdə iştirak edəcək Bolqarıstan milli komandasının heyəti açıqlanıb.
Mediasport.az xəbər verir ki, baş məşqçi İlian İliev iştirak ərizəsinə 26 futbolçunun adını daxil edib.
Bolqarlar martın 22-də Tanzaniya, 25-də Azərbaycan yığması ilə qarşılaşacaqlar.
Qapıçılar: İvan Dulgerov (“Çerno More”), Svetoslav Vutsov (“Slaviya” Sofiya), Dimitar Mitov (“Sent-Conston”, Şotlandiya);
Müdafiəçilər: Viktor Popov, Jivko Atanasov (hər ikisi “Çerno More”), İvan Turitsov (ÇSKA, Sofiya), Patrik-Qabriel Qalçev (“Levski”), Aleks Petkov (“Şlensk”, Polşa), Petko Xristov (“Spesiya”, İtaliya), Valentin Antov (“Kremoneze”, İtaliya), Yoan Stoyanov (“Hapoel Beer Şeva”, İsrail);
Yarımmüdafiəçilər: İvaylo Çoçev, Todor Nedelev (hər ikisi "Ludoqores"), İlyan İliev (“Çerno More”), Stanislav İvanov (“Arda”), Dimitar Tonev (“Krumovqrad”), İliya Qruev (“Lids”, İngiltərə), Filip Krastev (“Zvolle”, Niderland), Georgi Kostadinov (APOEL, Kipr), Svetoslav Kovaçev (“Axmat”, Rusiya);
Hücumçular: Aleksandr Kolev (“Krumovqrad”), Lukas Petkov (“Qröyter Fürt”, Almaniya), Georgi Rusev (“Sion”, İsveçrə), Kiril Despodov (PAOK, Yunanıstan), Martin Minçev (“Rizespor”, Türkiyə), Georgi Minçev (AEL, Kipr).
