Kişi millimiz Moldovaya qalib gəldi, qadınlar Argentina ilə "sülh" bağladı - Ümumdünya Şahmat Olimpiadası
Macarıstanın paytaxtı Budapeştdə Ümumdünya Şahmat Olimpiadasında 3-cü turun görüşləri keçirilib.
Mediasport.az xəbər verir ki, Azərbaycanın kişilərdən ibarət milli komandası bu dəfə Moldova seçməsindən üstün olub - 3:1.
Aydın Süleymanlı – İvan Şitko 1:0
Nicat Abasov – Andrey Makovey 0,5:0,5
Şəhriyar Məmmədyarov – Yeqor Laşkin 1:0
Məhəmməd Muradlı – Viktor Boloqan 0,5:0,5
Millimiz bu qələbə ilə xallarının sayını 6-ya çatdırıb.
Xatırladaq ki, yığmamız daha əvvəl İordaniya (3,5:0,5) və Finlandiyanı (3,5:0,5) məğlub edib.
Qadınlardan ibarət milli komandamız isə 3-cü turu heç-heçə ilə başa vurub. Xanım şahmatçılarımız Argentina ilə "sülh" bağlayıblar - 2:2.
Günay Məmmədzadə – Kandela Fransisko 0,5:0,5
Ülviyyə Fətəliyeva – Maria Xose Kampos 0:1
Xanım Balacayeva – Anapola Borda 0,5:0,5
Gülnar Məmmədova – Klaudia Amura 1:0
Bu nəticədən sonra komandamızın xallarının sayı 5-ə çatıb.
Yığmamız ilk iki turda Nikaraqua (4:0) və Avstraliyaya (3:1) qalib gəlib.
