İddiaçılar Turniri davam edir: Nicat Abasov 6-cı dəfə heç-heçə edib
![İddiaçılar Turniri davam edir: Nicat Abasov 6-cı dəfə heç-heçə edib](https://mediasport.az/uploads/images/202404/image_750x_661cbb0728019.jpg)
Kanadanın Toronto şəhərində keçirilən şahmat üzrə İddiaçılar Turnirində 9-cu turun oyunları keçirilib.
Mediasport.az xəbər verir ki, turnirdə yarışan Azərbaycan təmsilçisi Nicat Abasov İtaliya əsilli amerikalı Fabiano Karuana ilə qarşılaşıb.
Ağ fiqurlarla oynayan 29 yaşlı şahmatçımız yarışda 6-cı dəfə bərabərə qalıb.
Xal hesabını 3-ə çatdıran Nicat 8-ci pillədə qərarlaşıb.
İlk iki pillədə Dommaracu Qukeş (Hindistan) və Yan Nepomnyaşi (FİDE) qərarlaşıb.
Şahmatçımız bu axşam 10-cu tur çərçivəsində Hikaru Nakamura ilə üz-üzə gələcək.