Kubokun formatı dəyişdirildi
Türkiyə Futbol Federasiyası (TFF) kubok oyunlarının formatını dəyişdirib.
Mediasport.az xəbər verir ki, 2024/2025-ci illər mövsümündən yarışın əsas mərhələsi qrup formatında start götürəcək.
Kubok 4 qrupda hərəsində 6 komanda olmaqla 24 kollektivin iştirakı ilə keçiriləcək. Qruplarda ilk 2 yeri tutan komandalar növbəti mərhələyə çıxacaqlar.
Təsnifat və final mərhələləri bir oyundan ibarət olacaq.
Qeyd edilib ki, gələn mövsüm Türkiyəni avrokuboklarda təmsil edəcək 5 komanda birbaşa qrup mərhələsində mübarizə aparacaq.
Digər 19 kollektiv isə seçmə mərhələlərdən sonra qrupda iştirak etmək hüququ əldə edəcəklər.
