Legioner azərbaycanlılar ötən həftə nə ilə yadda qaldılar? - HESABAT
Avropanın müxtəlif futbol çempionatlarında çıxış edən azərbaycanlı oyunçuların komandaları ötən həftə növbəti oyunlarını keçiriblər.
Mediasport.az futbolçularımızın komandalarının qazandığı nəticələri təqdim edir.
Niderland 1-ci Divizionu. 34-cü tur
12 aprel
"Eyndhoven" (Ozan Can Kökçünün komandası) - "Yanq PSV" 2:5
Ozan Can oyuna start heyətdə başladı, sona qədər mübarizə apardı və 1 məhsuldar ötürmə müəllifi oldu (47-ci dəqiqə).
Türkiyə 1-ci Liqası. 31-ci tur
12 aprel
"Manisa" (Sertan Taşqının komandası) - "Eyüpspor" 2:2
Sertan oyuna start heyətdə başladı və sona qədər mübarizə apardı.
13 aprel
"Boluspor" (Vüsal İsgəndərlinin komandası) - "Ümraniyəspor" (Coşqun Diniyevin komandası) 1:0
Vüsal və Coşqun start heyətdə başladılar. İsgəndərli 59, Diniyev 90 dəqiqə mübarizə apardı.
14 aprel
"Tuzlaspor" (Bəxtiyar Həsənalızadənin komandası) - "Göztəpə" 1:1
Bəxtiyar oyuna start heyətdə başladı və sona qədər mübarizə apardı.
"Kocaelispor" (Ramil Şeydayevin komandası) - "Girəsunspor" 2:0
Ramil oyuna start heyətdə çıxıb, görüşdə ilk qolun müəllifi olub və 79-cu dəqiqədə əvəzlənib.
Türkiyə Superliqası. 32-ci tur
13 aprel
"Adana Dəmirspor" (Şahruddin Məhəmmədəliyevin komandası) - "Kayserispor" 0:0
Şahruddin oyuna start heyətdə başladı və sona qədər mübarizə apardı.
14 aprel
"Hatayspor" (Renat Dadaşovun komandası) - "İstanbulspor" 0:3
Renat 69-cu dəqiqədə oyuna daxil olub.
Polşa çempionatı. 28-ci tur
14 aprel
"LKS Lodz" (Rahil Məmmədovun komandası) - "Radomyak" 3:2
Rahil matça start heyətdə başlayıb və sona qədər mübarizə aparıb.
İsveç Superliqası. 3-cü tur
14 aprel
"Yurqorden" (Musa Qurbanlının komandası) - "Sirius" 2:0
Musanın adı qarşılaşmanın iştirak ərizəsinə daxil edilməyib.
Bolqarıstan Yüksək Liqası. 29-cu tur
15 aprel
"Ludoqorets" - "Arda" (Cəlal Hüseynovun komandası) 2:0
Cəlal matça start heyətdə başlayıb və sona qədər mübarizə aparıb.
Rövşən ƏLİSOY
