Naxçıvanda 60 idmançı 14 çəki dərəcəsi üzrə mübarizə aparıb
Kikboksinq üzrə kadetlər arasında muxtar respublika birinciliyinin qalibləri müəyyənləşib.
Mediasport.az xəbər verir ki, 31 Dekabr - Dünya Azərbaycanlılarının Həmrəyliyi Gününə həsr olunmuş yarış kikboksinqin inkişafı, təbliği, klubların işinin təkmilləşdirilməsi və bu sahədə kütləviliyin artırılması məqsədinə xidmət edib.
2 yaş kateqoriyasında 60 idmançı 14 çəki dərəcəsi üzrə birincilik uğrunda mübarizə aparıb.
Nəticələrə əsasən, 6-8 yaş kateqoriyasında Cahangir Abdullayev (20 kq), Mircəlal Seyidov (22 kq), Yusif Qasımov (24 kq), Murad Məmmədli (26 kq), Nəsir Əliyev (30 kq), Xeyal Quliyev (+30 kq), 9-10 yaş kateqoriyasında Adəm Cəfərov (26 kq), Məhəmməd Seyidov (28 kq), Uğur Nurməmmədli (30 kq), Mövlan Seyidov (32 kq), Tunar Abdullayev (37 kq), Xəyal Seyidov (42 kq) və Ayxan Oruczadə (+42 kq) birinci olublar.
Xatırladaq ki, turnir Naxçıvan Muxtar Respublikası Gənclər və İdman Nazirliyi, Naxçıvan Kikboksinq Federasiyası tərəfindən təşkil edilib və İlham Əliyev adına Olimpiya İdman Kompleksində reallaşıb.
