"Şamaxı" 7 il 6 aydan sonra...
!["Şamaxı" 7 il 6 aydan sonra...](https://mediasport.az/uploads/images/202211/image_750x_63722e11e9e5d.jpg)
“Şamaxı” Azərbaycan Premyer Liqasında ardıcıl iki qələbə qazanıb.
mediasport.az xəbər verir ki, bölgə təmsilçisi hər iki görüşdə ikidən çox qol vurmaqla məhsuldarlıq nümayiş etdirib.
Vüqar Əsgərlinin yetirmələri “Turan Tovuz”la səfər (3:1), “Sumqayıt”la ev (4:2) qarşılaşmasında fərqlənib. Şamaxının eyniadlı təmsilçisinin ardıcıl iki matçda 3 və ya daha çox qol vurmasına sonuncu dəfə 2015-ci ilin mayında təsadüf olunub. 7 il 6 ay əvvəl komanda hələ Bakı “İnter”i adı altında çıxış edirdi. 90 ay əvvəl komanda səfərdə “Simurq”u 3:2, evdə “Neftçi”ni 4:0 hesabı ilə məğlubiyyətə uğradıb.
“Şamaxı” ölkə çempionatlarında 91 dəfə üç və ya daha çox qol vurub.