"Neftçi"də yeni TƏYİNAT reallaşdı
Rüstəm Əfsərli "Neftçi"nin PFK-nın Media üzrə koordinatoru vəzifəsinə təyin edilib.
Mediasport.az xəbər verir ki, 2005-ci ildən idman mətbuatında fəaliyyət göstərən Əfsərli 2015-ci ildən etibarən "CBC Sport" kanalında çalışıb.
Müxtəlif layihələrin yaradıcısı və iştirakçısı olub, telekanalda Şərhçilər qrupuna rəhbərlik edib və Proqram direktoru kimi fəaliyyət göstərib.
2018 və 2020-ci illərdə "İlin ən yaxşı şərhçisi" mükafatını qazanıb.
Xatırladaq ki, daha əvvəl də "ağ-qaralar"ın mətbuat katibi olmuş Əfsərli bu vəzifədə Emin Əfəndini əvəzləyib.
