Əsas mərhələnin son turunun oyunlarının vaxtı dəqiqləşdi
Kişi və qadın voleybolçular arasında Azərbaycan çempionatlarında əsas mərhələnin sonuncu tur oyunlarının vaxtı dəqiqləşib.
mediasport.az xəbər verir ki, dörd dövrədən və pley-off mərhələsindən ibarət olan çempionatların son turu martın 14-15-də keçiriləcək.
Martın 14-də qadın voleybolçuların Yüksək Liqasının XII turu çərçivəsində “Abşeron” “Murov”la, “Azərreyl” UNEC-lə qarşılaşacaq.
Martın 15-də kişi isə voleybolçuların Yüksək Liqasında sonuncu tur çərçivəsində MOİK-lə “Neftçi”, “Xarı bülbül”lə “Murov” üz-üzə gələcək.
Dörd dövrənin nəticələrinə görə, turnir cədvəlində birinci olan komanda dördüncü yerin sahibi ilə, ikinci olan komanda üçüncü yeri tutan klubla üz-üzə gələcək. Yarımfinal mərhələsi iki qələbəyə, final mərhələsi üç qələbəyə kimi oynanılacaq.
Oyunlar Voleybol Mərkəzində keçiriləcək, giriş sərbəstdir.
Yüksək Liqa (qadınlar)
16:00 “Abşeron” - “Murov” (CBC sport-canlı)
18:00 “Azərreyl” - UNEC
Yüksək Liqa (kişilər)
16:00 MOİK - “Neftçi”
18:00 “Xarı bülbül” - “Murov”
