AÇ-də qadın millimizdən FİASKO: 5 boksçumuzun 5-i də medalsız qaldı
Serbiyanın paytaxtı Belqradda boks üzrə Avropa çempionatı davam edir.
Mediasport.az xəbər verir ki, ölkəmizi qitə birinciliyində təmsil edən 5 qadın idmançımız 1/4 final döyüşlərini keçirib.
Uğursuz çıxışla yadda qalan təmsilçilərimizin hamısı məğlub olub.
Bu gün qitə çempionatında kişilərin mübarizəsində Sərxan Əliyev (71 kq) rinqə çıxacaq.
Qeyd edək ki, aprelin 29-da başa çatacaq Avropa çempionatında Azərbaycan hələlik bir medalı qarantiləyib.
Dünya çempionumuz Alfonso Dominges (92 kq) yarımfinala adlamaqla buna nail olub.
Kubalı legionerimiz aprelin 25-də finala çıxmaq üçün yarışacaq.
Avropa çempionatı. Qadınlar. 1/4 final
48 kq. Anaxanım İsmayılova - Sevda Yuliyanova (Bolqarıstan) 0:5
50 kq. Marjona Savriyeva - Nina Radovanoviç (Serbiya) 1:4
52 kq. Zeynəb Rəhimova - Venelina Poptoleva (Bolqarıstan) 0:5
57 kq. Məhsəti Həmzəyeva - Svetlana Kamenova (Bolqarıstan) 0:5
66 kq. Şəhla Allahverdiyeva - Milena Matoviç (Serbiya) 0:5
