"Qəbələ" Çempionlar Liqasında növbəti mərhələyə yüksəlib!
Gənclər arasında UEFA Çempionlar Liqasının 1-ci təsnifat mərhələsində cavab oyununa çıxan “Qəbələ”nin U-19 komandası tarixi uğura imza atıb.
Mediasport.az xəbər verir ki, çempionlar yolunda mübarizə aparan Azərbaycan təmsilçisi Macarıstanda “Puşkaş Akademiya” klubuna qalib gəlib.
Daha əvvəl komandalar arasında Qəbələdə keçirilmiş matç bərabərliklə (1:1) yekunlaşdığından, mərhələni adlayan tərəf "Qəbələ" olub.
Famil Xəlilovun komandası növbəti mərhələdə "Leççe" (İtaliya) - "Olimpiakos" (Yunanıstan) duelinin güclüsü ilə üz-üzə gələcək. Bu komandaların ilk duelində yunanlar 3:1 hesablı qələbəyə seviniblər. Cavab matçı axşam saat 22:30-da başlanacaq.
UEFA Gənclər Liqası. Çempionlar yolu. I mərhələ. Cavab oyunu
18:00. “Puşkaş Akademiya” (Macarıstan) – “Qəbələ” (Azərbaycan) 0:1
Qol: Kənan Baxışov, 56.
İlk matç: 1:1
