Qurban Qurbanov və Azərbaycanda çalışan daha 2 məşqçi gerilədi
Dünyanın ən güclü futbol məşqçilərinin siyahısı yenilənib.
Mediasport.az xəbər verir ki, 500 ən güclü çalışdırıcı arasında yeganə azərbaycanlı Qurban Qurbanov 15 pillə geriıəyib.
Ötən ayla müqayisədə 9 xal itirən "Qarabağ"ın baş məşqçisi 1649 xalla 155-ci sırada qərarlaşıb.
"Turan Tovuz"un baş məşqçisi Kurban Berdıyev 2 addım geri düşüb. Rusiyalı 1790 xalla 59-cu pillədədir.
Azərbaycan yığmasının baş məşqçisi Fernandu Santuş 1624 xalla 8 pillə geriləyib və 191-ci sıraya düşüb.
Siyahıya 2242 xalla "Mançester Siti"nin "sükan"ı arxasında dayanan Pep Quardiola başçılıq edir.
