"Səbail" Avropa çempionunun transferini rəsmiləşdirib
Premyer Liqa təmsilçisi "Səbail" qış "transfer pəncərəsində" növbəti keçidini rəsmiləşdirib.
Mediasport.az xəbər verir ki, "dənizçilər" Niderlandın 2-ci liqa təmsilçisi "Venlo"da çıxış etmiş Süleyman Alluşu heyətinə qatıb.
Mərakeş əsilli cinah yarımmüdafiəçisi ilə 2,5 illik müqavilə imzalanıb.
22 yaşlı futbolçu Niderlandın U-17 millisi ilə Avropa çempionatının qalibi olub.
Xatırladaq ki, Bakı klubu daha əvvəl cinah yarımmüdafiəçisi Madi Ketanı və Ayub Timbe Masikanı heyətinə qatıb.
