"Sumqayıt" - "Neftçi" matçı Mehdi Hüseynzadə stadionunda olacaq
"Sumqayıt" futbol klubunun Mehdi Hüseynzadə adına Sumqayıt şəhər stadionunda ilk oyununu nə vaxt keçirəcəyi açıqlanıb.
Mediasport.az xəbər verir ki, "Gənclik şəhəri" təmsilçisi yenilənmiş arenada ilk görüşünü Premyer Liqanın 21-ci turu çərçivəsində "Neftçi"yə qarşı keçirəcək.
Bu barədə Peşəkar Futbol Liqasının açıqladığı proqramda bildirilib. Qarşılaşma fevralın 4-də baş tutacaq və saat 15:00-da başlanacaq.
Qeyd edək ki, Mehdi Hüseynzadə adına Sumqayıt şəhər stadionunun açılışında bir neçə ay öncə Azərbaycan Prezidenti İlham Əliyev iştirak edib.
