Azarkeşləri "Turan Tovuz" və "Neftçi"ni ziyana salıb, "Sabah" kənar şəxslərə görə cərimələnib
AFFA İntizam Komitəsinin növbəti iclası keçirilib.
Mediasport.az xəbər verir ki, iclasda aşağıdakı qərarlar qəbul edilib:
Azərbaycan Premyer Liqasının XIX turunun “Sabah” – “Neftçi” oyununda “Neftçi” klubunun 4 futbolçusu sarı vərəqə aldığına görə “Neftçi” klubu 700 manat cərimə edilir (maddə 37);
Həmin matçda “Neftçi” klubunun azarkeşləri tərəfindən pirotexniki vasitədən istifadə edildiyinə görə “Neftçi” klubu 1500 manat cərimə edilir (maddə 52.2);
Görüş bitdikdən sonra meydançaya kənar şəxslər daxil olduğuna görə “Sabah” klubu 800 manat cərimə edilir (maddə 51.2);
Turun “Səbail” – “Zirə” oyununda “Səbail”in 4 futbolçusu sarı vərəqə aldığına görə Bayıl klubu 700 manat cərimə edilir (maddə 37);
Turun “Kəpəz” – “Turan Tovuz” oyununda qonaqların azarkeşləri tərəfindən pirotexniki vasitədən istifadə edildiyinə görə “Turan Tovuz” klubu 1500 manat cərimə edilir (maddə 52.2);
Qarşılaşmanın 9-cu dəqiqəsində “Turan Tovuz” klubunun 88 nömrəli futbolçusu Faiq Hacıyev ciddi qayda pozuntusuna görə birbaşa qırmızı vərəqə aldığı üçün 1 oyun şərti olmaqla 2 oyun cəzalanır, “Turan Tovuz” klubu 1500 manat cərimə edilir. Sınaq müddəti 3 ay təyin edilir (maddə 39.1, 32);
Turun “Qəbələ” – “Sumqayıt” oyununda “Sumqayıt” klubunun 4 futbolçusu sarı vərəqə aldığına görə qonaqlar 700 manat cərimə edilir (maddə 37).
