Türkiyə yığması Avropa çempionatının yarımfinalına çıxdı
Türkiyənin qadın voleybolçulardan ibarət millisi Avropa çempionatının yarımfinalına vəsiqə qazanıb.
Mediasport.az xəbər verir ki, "ay-ulduzlular" 1/4 finalda Polşa yığmasını hər üç setdə (25:23, 25:22 və 25:19) məğlub edərək tarixlərində beşinci dəfə adlarını yarımfinala yazdırıblar.
Final yolunda rəqib İtaliya voleybolçuları olacaqlar. Matç sabah Brüsseldə keçiriləcək. Final görüşü isə sentyabrın 3-də baş tutacaq.
Belçika, Estoniya, Almaniya və İtaliyanın birgə ev sahibliyi etdiyi 33-cü Avropa çempionatında 24 komanda 4 qrupda mübarizə aparıb. Türkiyə voleybolçuları Azərbaycan yığmasının da yer aldığı və Almaniyada keçirilmiş C qrupunun oyunarında bütün görüşləri qalib gəliblər. Komanda 1/8 finalda Belçikadan 3:1 hesabı ilə üstün olub.
Azərbaycan millisi isə 5 xalla 6 komanda arasında 5-ci yeri tutub və qrupda qalıb.
