Vüsal ehtiyatda qaldı, komandası xal itirdi, Renat 60 dəqiqə oynadı
Legioner həyatı yaşayan Azərbaycan millisinin 2 oyunçusu klub futbolunda növbəti oyunlarına çıxıblar.
Mediasport.az xəbər verir ki, Vüsal İsgəndərlinin uğurları üçün çalışdığı "Boluspor" "Amed"in qonağı olub.
Azərbaycanlı futbolçu bu oyunda meydana buraxılmasa da, adı iştirak ərizəsində olub.
Renat Dadaşovlu "Ankaragücü" "Sakaryaspor"u sınağa çəkib. Millinin hücumçusu oyuna start heyətdə başlasa da, 60-cı dəqiqədə əvəzləndi.
Paytaxt təmsilçisi yeni baş məşqçi Kənan Koçakın rəhbərliyi altında ilk matçına çıxıb.
Bu gün daha 6 futbolçumuzun komandaları daxili birinciliklərdə meydana çıxacaqlar.
Anton Krivotsyukun oynadığı Cənubi Koreyanın "Daejon" komandası evdə "Jeonbuk"u qəbul edəcək.
Eddi İsrafilovun "Yohor Tazim" Malayziya Superliqasında "Kelantan Yunayted"lə üz-üzə gələcək.
Emil Mustafayevin uğurları üçün çalışdığı "Polessye" evdə LNZ-i sınağa çəkəcək.
Coşqun Diniyevin formasını geyindiyi "Bandırmaspor" "İstanbulspor"la qarşılaşacaq.
Albaniya Superliqasına yeni yollanan Amil Yunanov "Bilis"in üzvü kimi "Vllazniya" səfərinə yollanacaq.
Sözügedən çempionatda top qovan digər futbolçumuz Zamiq Əliyev "Eqnatia"nın heyətində "Elbasani"nin qonağı olacaq.
21 sentyabr
Türkiyə 1-ci Liqası. 6-cı tur
"Ankaragücü" - "Sakaryaspor" 2:1
"Amed" - "Boluspor" 1:1
22 sentyabr
Cənubi Koreya K Liqa 1. 31-ci tur
13:00 "Daejon" - "Jeonbuk"
Malayziya Superliqası. 13-cü tur
17:00 "Kelantan Yunayted" - "Yohor Tazim"
Ukrayna Premyer Liqası. 7-ci tur
18:00 "Polessye" - LNZ
Türkiyə 1-ci Liqası. 6-cı tur
20:00 "İstanbulspor" - "Bandırmaspor"
Albaniya Superliqası. 6-cı tur
18:00 "Vllazniya" - "Bilis"
21:00 "Elbasani" - "Eqnatia"
