Vüsal İsgəndərlidən Albaniya Superliqasında növbəti qol
“Eqnatiya” klubunda çıxış edən azərbaycanlı futbolçu Vüsal İsgəndərli Albaniya Superliqasında növbəti qolunu vurub.
Mediasport.az xəbər verir ki, 28 yaşlı hücumameyilli yarımmüdafiəçi 15-ci turun “Vlajniya” ilə ev oyununda fərqlənib.
O, 41-ci dəqiqədə fərqlənməklə çempionatda vurduğu qolların sayını 5-ə çatdırıb.
Vüsal "Eqnatiya"da cari mövsümdən çıxış edir və ümumilikdə 21 matç keçirib.
