Vüsal İsgəndərlidən Albaniya Superliqasında növbəti qol
![Vüsal İsgəndərlidən Albaniya Superliqasında növbəti qol](https://mediasport.az/uploads/images/202310/image_750x_653d87e7b3069.jpg)
Son oyunlarda Azərbaycan yığma komandasına dəvət almayan Vüsal İsgəndərli Albaniya Superliqasında növbəti qolunu vurub.
Mediasport.az xəbər verir ki, çempionatın lideri "Eqnatiya"nın 28 yaşlı vingeri 10-cu turun "Şkenderbeu" ilə səfər matçında adını tabloya yazdırıb.
O, görüşün startında hesabı açıb və komandası oyunu 1 xalla başa vurub.
"Eqnatiya" 10 turdan sonra 20 xalla birinci pillədə qərarlaşıb. Bir oyun az keçirən "Partizani" eyni xalla 2-ci sıradadır.
Qeyd edək ki, Vüsal bu mövsüm Albaniya çempionatında 3 dəfə fərqlənib, 1 məhsuldar ötürmə ilə yadda qalıb.