Yığma komandamız Avropa çempionatı üçün Xorvatiyaya yollandı
Stolüstü tennisçilərimiz 13 yaşadək idmançıların Xorvatiyanın Zaqreb şəhərində keçiriləcək Avropa çempionatında iştirak edəcəklər.
mediasport.az xəbər verir ki, komandamız qitə birinciliyində 4 tennisçi ilə mübarizə aparacaq.
Məşqçilər Elnur Hidayətzadə və Ramil Cəfərovun rəhbərliyi ilə Onur Quluzadə, Tunar Bağırov, Yağmur Məmmədli və Xədicə Eylazova şəxsi, komanda və qoşa-qarışıq mübarizələrdə medal qazanmağa çalışacaq. Yığmamız ilk olaraq komanda yarışlarında Polşa, İsveç və İslandiya idmançıları ilə eyni qrupda gücünü sınayacaq.
Sabah başlanacaq Avropa çempionatı 4 gün davam edəcək.
