Yığmamız Avropada birinci oldu
Cüdo üzrə Azərbaycan milli komandası 2023-cü il Avropa Gənclər Olimpiya Festivalının (EYOF) fərdi yarışlarında 3 qızıl, 2 gümüş və 4 bürünc medal qazanmaqla Avropada birinci olub.
MediaSport.az xəbər verir ki, komandamızın "EYOF 2023"də əldə etdiyi 9 medal onların bu il ikinci ən yaxşı nəticəsidir.
İdmançılarımız ötən ay Portuqaliyada keçirilən Avropa çempionatında da medal sıralamasında birinci yeri tutmuşdu.
Azərbaycanın qızlardan ibarət yığma komandası xüsusilə fərqlənərək, 2 qızıl medal əldə etməklə medal sıralamasında birinciliyə yüksəlib. Komandanı təmsil edən 4 cüdoçudan 2-si medal qazana bildi.
Mübarizəyə 8 idmançı ilə qoşulan oğlanlardan ibarət yığmamız 1 qızıl, 2 gümüş və 4 bürünc medalla sıralamada 4-cü yerdə qərarlaşıb.
Azərbaycan cüdo komandasının "EYOF 2023"dəki çıxışı da əvvəlki ildəki nailiyyətlərini üstələyib. 2022-ci ildə onlar 1 qızıl, 4 gümüş və 2 bürünc olmaqla ümumilikdə 7 medal qazanmışdılar.
Qeyd edək ki, komandamız avqustun 23-27-də keçiriləcək dünya çempionatında iştirak edəcək.
