Azərbaycanlı hakim Türkiyə klubunun matçını idarə edəcək
Azərbaycanın beynəlxalq dərəcəli voleybol hakimi Zaur Hacıyev avrokuboklara təyinat alıb.
Mediasport.az xəbər verir ki, təmsilçimiz "Türk Hava Yolları"nın CEV Kubokunda 1/16 final görüşünü idarə edəcək.
Türkiyə klubu Çempionlar Liqasının üçüncü təsnifat mərhələsində uduzan komanda ilə qarşılaşacaq.
Qarşılaşma noyabrın 11-də İstanbulda keçiriləcək.
Hacıyevin oyunda digər həmkarı çexiyalı Roman Marşner olacaq.
