8 il rəsmi oyun keçirməyən millimiz bu dəfə siyahıya salındı
Basketbol üzrə milli komandamız yenidən Beynəlxalq Basketbol Federasiyasının (FIBA) reytinqinə salınıb.
mediaspor.az xəbər verir ki, yığmanın bu ildən beynəlxalq yarışlarda iştirak etməsi buna şərait yaradıb.
Kişilərdən ibarət komandamız iyulda Maltada təşkil olunmuş kiçik ölkələrin Avropa çempionatında çıxış edib. Yeni reytinq cədvəlinə əsasən, Azərbaycan millisi 78.5 xalla, 163 ölkə arasında 112-ci pillədə qərarlaşıb.
Reytinq son 8 ilin göstəricilərinə görə hesablandığı üçün, yığmamız 2021-ci ilin avqustunda açıqlanan FİBA-nın sıralamasında yer almamışdı. Basketbolçularımız geridə qalan müddətdə heç bir rəsmi oyunda iştirak etməmişdi.
