AFFA intizamsız Murad Musayevi növbəti dəfə cəzalandırıb
AFFA İntizam Komitəsinin növbəti iclası keçirilib.
Mediasport.az xəbər verir ki, iclasda aşağıdakı qərarlar qəbul edilib:
25.10.2023-cü il tarixində Azərbaycan Premyer Liqasının II turundan təxirə salınmış “Sumqayıt” – “Sabah” oyununda “Sumqayıt” klubunun 4 futbolçusu sarı vərəqə aldığına görə “Sumqayıt” klubu 700 manat cərimə edilir (maddə 37);
Həmçinin, oyununun 90+4-cü dəqiqəsində “Sabah” klubunun baş məşqçisi Murad Musayev ikinci sarıdan qırmızı vərəqə aldığına görə 1 oyun, həmçinin 24.08.2023-cü il tarixində təyin edilmiş 3 aylıq sınaq müddəti başa çatmamış növbəti dəfə qırmızı vərəqə ilə cəzalandığına görə həmin tarixdə verilmiş 1 oyunluq şərti cəza üzərinə əlavə edilməklə ümumilikdə 2 oyun cəzalanır, “Sabah” klubu 1000 manat cərimə edilir (maddə 42.4, 32)
