Almaniyanı gələn mövsüm ÇL-də azı 5 komanda təmsil edəcək
Almaniya növbəti mövsüm üçün UEFA Çempionlar Liqasında əlavə yer əldə edib.
Mediasport.az xəbər verir ki, Dortmund "Borussiya"sının cari yarışın ilk yarımfinal matçında PSJ üzərində qələbəsi (1:0) ölkəyə əlavə kvota qazandırıb.
Almaniya yeni formatda təşkil olunacaq növbəti mövsümdə 5 klubla təmsil olunacaq.
Bundan başqa, “Borussiya” bu mövsüm ÇL-i qazansa və Bundesliqanı 5-ci pillədə başa vursa, liqada 6-cı yeri tutan komanda da Çempionlar Liqasında oynamaq imkanı əldəe dəcək.
Qeyd edək ki, daha əvvəl İtaliyaya 5 klubla təmsil olunmaq imkanı verilib.
