Çempionlar Liqası: Azərbaycan çempionunun rəqibləri məlum olub
![Çempionlar Liqası: Azərbaycan çempionunun rəqibləri məlum olub](https://mediasport.az/uploads/images/202405/image_750x_663e00012fda6.jpg)
"Araz-Naxçıvan" komandasının futzal üzrə UEFA Çempionlar Liqasının ilkin mərhələsindəki rəqibləri müəyyənləşib.
Mediasport.az xəbər verir ki, Azərbaycan çempionu H qrupunda “Uddevalla” (İsveç), “Sparta” (Belfast, Şimali İrlandiya) və “Sillamae” (Estoniya) klubları ilə qarşılaşacaq.
Bu qrupun oyunları İsveçdə keçiriləcək.
Matçlar avqustun 20-25-də baş tutacaq. Qrup qalibləri əsas mərhələdə iştirak hüququ əldə edəcəklər.
Qeyd edək ki, “Araz-Naxçıvan” əsas mərhələyə vəsiqə qazanacağı təqdirdə B yolunda 5-ci qrupda yer alacaq.
Bu mərhələnin oyunları oktyabrın 22-27-də Fransada keçiriləcək.
Elit-raunda isə turnir cədvəlini birinci pillədə başa vuracaq komanda yüksələcək.