Azərbaycan komandası neçənci oldu? - Avropa Oyunları başa çatdı
Polşada təşkil olunan III Avropa Oyunlarının bağlanış mərasimi keçirilib.
MediaSport.az xəbər verir ki, tədbir Krakovdakı Henrik Reyman stadionunda təşkil olunub.
Mərasim bədii kompozisiyaların ifası ilə start götürüb. Ardınca iştirakçı ölkələrin bayraqları arenaya gətirilib. Bayraqlar arenada yerləşdirildikdən sonra iştirakçı ölkələrin nümayəndə heyətləri gəliblər. Azərbaycan bayrağını Avropa Oyunlarının boks üzrə gümüş mükafatçısı Məhəmməd Abdullayev dalğalandırıb.
Qeyd edək ki, 11 medal (3 qızıl, 2 gümüş, 6 bürünc) qazanan Azərbaycan Avropa Oyunlarını 24-cü pillədə başa vurub.
