Azərbaycan millisi beynəlxalq turnirdə gümüş medal qazandı
Azərbaycan qılıncoynadanları Bolqarıstanın Sofiya şəhərində keçirilən beynəlxalq turnirdə uğurla çıxış ediblər.
Mediasport.az xəbər verir ki, Murad Əkbərov, Maqsud Hüseynli, Rəsul Əliyev və Timur Husnaddinovdan ibarət komandamız 23 yaşadək sablyaçıların komanda yarışında ikinci yer tutub.
İlk görüşündə İspaniya yığmasını 45:42 hesabı ilə məğlub edən sablyaçılarımız, ardınca Böyük Britaniya kollektivinə 45:37 hesabı ilə qalib gəliblər.
Millimiz finalda Bolqarıstan yığmasına 35:45 hesabı ilə uduzaraq "EFC FFE Circuit" turnirinin gümüş medallarını qazanıb.
