Yığmamızın heyəti açıqlandı
Futzal üzrə Azərbaycan millisi komandasının heyəti açıqlanıb.
Mediasport.az xəbər verir ki, yığmamız noyabrın 3-dən 6-dək Bosniya və Herseqovinada təlim-məşq toplanışında iştirak edəcək.
Ayın 4-də və 5-də adıçəkilən ölkənin yığması ilə Azərbaycan arasında 2 yoldaşlıq oyunu baş tutacaq.
Komandamız oktyabrın 31-dən noyabrın 2-dək Bakıda məşq edəcək. Baş məşqçi Vitali Borisov 14 futzalçıya dəvət göndərib.
Qapıçılar: Emin Kürdov ("Araz-Naxçıvan"), Kamran Hacıyev ("Baku Fire")
Oyunçular: Xəzər Ağalızadə, Ülvi Əliyev, Nurlan Məmmədov, Emil Həsənzadə (hamısı "Araz-Naxçıvan"), Tofiq Mikayılov, Oktay Rüstəmli, Murad Quluzadə, Fərid Abbasov (hamısı "Baku Fire"), Seymur Məmmədov, Eldar Zeynalov, Mirzə Əmirov (hamısı "Neftçi" İK), İlham Alıyev (U-19)
