Azərbaycan 33-cü Yay Olimpiya Oyunlarını 7 medalla başa vurdu
Azərbaycan komandası Fransanın paytaxtı Parisdə keçirilən 33-cü Yay Olimpiya Oyunlarında çıxışını yekunlaşdırıb.
Mediasport.az xəbər verir ki, 4-illiyin zirvə yarışına 48 idmançı ilə yollanan ölkəmiz aktivinə 7 medal yazdırıb.
Son yarış günündə sərbəst güləşçimiz Maqomedxan Maqomedov (97 kq) bürünc medal qazanıb.
Komandamız medal sıralamasında 30-cu pillədə qərarlaşıb.
Çin 91 medalla (40 qızıl, 27 gümüş, 24 bürünc) 1-ci, ABŞ 125 medalla (39 qızıl, 44 gümüş, 42 bürünc) ikinci, Yaponiya isə 45 medalla (20 qızıl, 12 gümüş, 13 bürünc) üçüncü yeri tutub.
Dünyanın idman bayramında Azərbaycan komandasının heyətində medal qazananlar cüdoçular Hidayət Heydərov (73 kq, qızıl), Zelim Kotsoyev (100 kq, qızıl), boksçu Loren Alfonso Dominges (92 kq, gümüş), taekvondoçu Qaşim Maqomedov (58 kq, gümüş), yunan-Roma güləşçisi Həsrət Cəfərov (67 kq, bürünc) və sərbəst güləşçilər Giorgi Meşvildişvili (125 kq, bürünc), Maqomedxan Maqomedov (97 kq, bürünc) olublar.
Parisdə medal qazanmayan idmançı və komandalarımızı təqdim edirik:
Cüdo
Balabəy Ağayev (60 kq), Yaşar Nəcəfov (66 kq), Zelim Tçkayev (81 kq), Elcan Hacıyev (90 kq), Uşangi Kokauri (+100 kq), Leyla Əliyeva (48 kq), Gültac Məmmədəliyeva (52 kq)
Boks
Nicat Hüseynov (51 kq), Malik Həsənov (63,5 kq), Murad Allahverdiyev (80 kq), Məhəmməd Abdullayev (+92 kq)
Sərbəst güləş
Əliabbas Rzazadə (57 kq), Hacı Əliyev (65 kq), Turan Bayramov (74 kq), Osman Nurmaqomedov (86 kq)
Yunan-Roma güləşi
Murad Məmmədov (60 kq), Sənan Süleymanov (77 kq), Rafiq Hüseynov (87 kq), Sabah Şəriəti (130 kq)
Qadın güləşi
Mariya Stadnik (50 kq)
Badminton
Edi Reski Dviçayo (kişilər, fərdi), Keişa Fatimə Zəhra (qadınlar, fərdi)
Bədii gimnastika
Zöhrə Ağamirova
Qrup hərəkətləri komandası (Ləman Əlimuradova, Kamilə Əliyeva, Yelizaveta Luzan, Güllü Ağalarzadə və Darya Sorokina)
Batut gimnastikası
Selcan Mahsudova
Atletika
Anna Skidan, çəkicatma
Atıcılıq
Ruslan Lunyov (10 m, pnevmatik tapança)
Basketbol
Qadın yığması, 3x3 növü
Avarçəkmə
Diana Dımçenko, (2000 m, akademik avarçəkmə)
Triatlon
Rostislav Pevtsov
Qılıncoynatma
Anna Başta, (sablya)
Kamandan oxatma
Yaylagül Ramazanova
Üzgüçülük
Məryəm Şeyxəlizadəxangah, Ramil Vəlizadə.
