Yığmamızın oyununda ANŞLAQ olacaq - Artıq 30 min bilet satılıb
Noyabrın 19-da AVRO-2024-ün seçmə qrup mərhələsinin son oyunu çrəçivəsində Brüsseldəki "Kinq Rua Boduen" stadionunda baş tutacaq Belçika - Azərbaycan matçına böyük maraq var.
Mediasport.az xəbər verir ki, qarşılaşmaya 3 gün qalsa da, artıq 30 min bilet satılıb.
Domeniko Tedeskonun baş məşqçisi olduğu "qırmızı iblislər" qitə çempionatının final mərhələsinə vəsiqəni əvvəlki turlarda təmin etsələr də, 50 min azarkeş tutumuna malik arenanın oyuna qədər dolacağı gözlənilir.
Görüş Bakı vaxtilə saat 21:00-da başlanacaq.
Belçika 5 komandalı qrupda 17 xalla lideridir, Azərbaycan yığması isə 4 xalla 4-cü pillədə qərarlaşıb.
