PSJ və "Borussiya" hərəyə 4 qolla yarımfinalda - Çempionlar Liqası
UEFA Çempionlar Liqasında ilk yarımfinalçıların adları müəyyənləşib.
Mediasport.az xəbər verir ki, 1/4 finalın cavab qarşılaşmaları çərçivəsində gecənin 2 matçı baş tutub.
Ötən həftə İspaniyada "Atletiko"ya uduzan "Borussiya" doğma "Siqnal İduna Park"da revanşı artıqlaması ilə alıb.
"Barselona" isə Parisdə geridönüşlə məğlub etdiyi PSJ-dən evdə 4 qol buraxaraq turnirlə vidalaşıb.
Mərhələnin digər 2 cavab oyunu bu gecə keçiriləcək.
Çempionlar Liqası. 1/4 final. Cavab oyunları
"Borussiya" (Dortmund, Almaniya) - "Atletiko" (Madrid, İspaniya) 4:2
Qollar: Yulian Brandt, 34, Yan Maatsen, 39, Niklas Fullkruq, 71, Marsel Sabitser, 74 - Mats Hummels, 49 (avtoqol), Anxel Korrea, 64.
Baş hakim: Slavko Vinçiç (Sloveniya).
"Siqnal İduna Park" stadionu, 23:00.
İlk oyun - 1:2.
"Barselona" (İspaniya) - PSJ (Fransa) 1:4
Qollar: Rafinya, 12 - Usman Dembele, 40, Vitinya, 54, Kilian Mbappe, 61 (pen.), 89.
Baş hakim: İştvan Kovaç (Rumıniya).
Qırmızı vərəqə: Ronald Arauxo, 29.
Lyuis Kompanis adına Olimpiya stadionu, 23:00.
İlk oyun - 3:2.
