DÇ: Yığmamız 26 top buraxan Hindistan futbolçuları ilə qarşılaşır
Minifutbol üzrə Azərbaycanın U-23 millisi bu gün Xorvatiyada keçirilən dünya çempionatının qrup mərhələsində ikinci oyununa çıxacaq.
Mediasport.az xəbər verir ki, Malıy Loşində baş tutacaq turnirdə yığmamızın rəqibi Hindistan olacaq.
Rəcəb Fərəczadənin baş məşqçisi olduğu kollektiv 18:45-də mübarizəyə start verəcək.
Azərbaycan ilk oyunda Serbiyanın U-23 yığmasına (1:5), Hindistan isə Çexiyaya (1:26) uduzub.
Millimiz B qrupunda son görüşünü sabah Çexiyaya qarşı keçirəcək.
Mundial oktyabrın 10-da başa çatacaq.
