Dünya çempionatı: Daha bir cüdoçumuz mübarizəyə başlayır
Birləşmiş Ərəb Əmirliklərinin paytaxtı Əbu-Dabidə keçirilən cüdo üzrə dünya çempionatı davam edir.
Mediasport.az xəbər verir ki, bu gün daha bir təmsilçimiz mübarizəyə başlayacaq.
81 kq çəki dərəcəsində Zelim Tçkayev tatamiyə çıxacaq.
25 yaşlı idmançı ilk raundda İtaliya cüdoçusu Antonio Espozito ilə qarşılaşacaq.
Qeyd edək ki, Azərbaycan yarışda 11 cüdoçu ilə təmsil olunur.
Ötən gün Hidayət Heydərov (73 kq) dünya çempionu olub.
