Gəncə klubundan yeni transfer
“Gəncə” voleybol klubu heyətini yeni oyunçu ilə gücləndirib.
Mediasport.az xəbər verir ki, komanda ABŞ voleybolçusu Vanessa Yelena Qarsiya ilə müqavilə imzalayıb.
Voleybolçu ilə müqavilə cari mövsümün sonunadək nəzərdə tutulub.
Qarsiya 2017-2022-ci illərdə ABŞ-nin “Biola University Eagle”, ötən il isə Almaniyanın “Provin” klubunda çıxış edib.
“Gəncə” klubu mövsümün yarısında iki rusiyalı voleybolçu – Anna Balberova və Anna Dmitrieva ilə yollarını ayırıb. Klub heyətin formalaşdırılması istiqamətində işləri davam etdirir.
