Güləş millimiz Budapeştdə təlim-məşq toplanışına başlayıb
Azərbaycanın yunan-Roma güləşi üzrə U-17 milli komandası Macarıstanın paytaxtı Budapeştdə təlim-məşq toplanışına başlayıb.
Mediasport.az xəbər verir ki, oktyabrın 18-dək davam edəcək hazırlıq prosesində böyük məşqçi Taleh İsrafilov və məşqçi Elbrus Məmmədovun rəhbərliyi altında 12 yeniyetmə idmançı iştirak edir.
Bir neçə ölkənin komandasının qatıldığı birgə təlim-məşq toplanışına 100-dən artıq güləşçi cəlb olunub.
Qeyd edək ki, Azərbaycanın U-17 millisi bu il həm Avropa, həm də dünya çempionatında komanda hesabında ikinci yeri tutub.
