Güləşçilərimiz Xorvatiyaya yollanacaq
Azərbaycan güləşçilərinin 2023-cü ildə qatılacağı ilk beynəlxalq yarış məlum olub.
mediasport.az xəbər verir ki, pəhləvanlarımız 1-5 fevral tarixlərində Xorvatiyanın paytaxtı Zaqrebdə keçiriləcək reytinq turnirində qüvvəsini sınayacaq.
Milli komandalarımız yarışda geniş heyətlə təmsil olunacaq. Bəzi çəki dərəcələrində titullu güləşçilərlə yanaşı, "2-ci nömrə"lər də turnirə qatılacaq.
Zaqreb bu il Avropa çempionatına da ev sahibliyi edəcək. Yarış 17-23 apreldə keçiriləcək.
