Güləşçimiz finala çıxdı
Azərbaycanın sərbəst güləşçisi Maqomedxan Maqomedov Macarıstanın paytaxtı Budapeştdə start götürən reytinq turnirində finala vəsiqə qazanıb.
MediaSport.az xəbər verir ki, 97 kq-da yarışan təmsilçimiz yarımfinalda almaniyalı Erik Tileyə 7:1 hesabı ilə qalib gəlib. O, finalda ABŞ-dan olan olimpiya və dünya çempionu Kayl Snayderlə qarşılaşacaq.
86 kq çəki dərəcəsində mübarizə aparan Abubakr Abakarov isə israilli Yuri Kalaşnikovu 8:0 hesabı ilə üstələsə də, 1/4 finalda türkiyəli Osman Göçenə uduzub - 3:6. Rəqibi finala çıxa bilmədiyindən Azərbaycan təmsilçisi yarışı medalsız başa vurub.
