İlk dünya çempionumuz Ümumdünya Oyunlarına vəsiqə alıb
Azərbaycan gimnastı Mixail Malkin 2025-ci ildə Çinin Çendu şəhərində təşkil ediləcək 12-ci Ümumdünya Oyunlarına vəsiqə qazanıb.
Mediasport.az xəbər verir ki, 27 yaşlı idmançı buna Böyük Britaniyanın Birmingem şəhərində keçirilmiş batut gimnastikası və tamblinq üzrə dünya çempionatında qızıl medal əldə etməklə nail olub.
Qeyd edək ki, Mixail Malkin Azərbaycanın gimnastika tarixinə ilk dəfə tamblinq üzrə qızıl medal qazanan idmançı kimi düşüb.
