Jalə Əliyeva dünya çempionu olub, Birgül Soltanova 3-cü yeri tutub
Qadın güləşçilərdən ibarət Azərbaycan millisi Bakıda keçirilən hərbçilər arasında dünya çempionatında çıxışını başa vurub.
Mediasport.az xəbər verir ki, yarışın üçüncü günündə daha iki idmançımız medal qazanıb.
Jalə Əliyeva (57kq) qızıl, Birgül Soltanova (62 kq) bürünc mükafata sahib olub.
Beləliklə, qadınlardan ibarət yığmamız medalların sayını 6-ya çatırıb
Qeyd edək ki, yarışda kişilərin mübarizəsində Hacı Əliyev (70 kq), Turan bayramov (74 kq), Orxan Abbasov (79 kq) və İbrahim Yusubov (92 kq) qızıl, Ceyhun Allahverdiyev (61 kq) gümüş, Fərid Cabbarov (86 kq) bürünc, qadınlarda isə ötən gün Ruzzana Məmmədova (49 kq) qızıl, Elnurə Məmmədova (52 kq) gümüş, Nərgiz Səmədova (50 kq) bürünc, Gültəkin Şirinova (53 kq) bürünc medala sahib olublar.
Qeyd edək ki, turnir dekabrın 3-dək davam edəcək.
