Modriçdən unikal rekord
Xorvatiya millisinin kapitanı Luka Modriç yeni uğura imza atıb.
mediasport.az xəbər verir ki, 37 yaşlı təcrübəli futbolçu DÇ-nin final mərhələsi çərçivəsində Mərakeşə qarşı I tur görüşündə meydana çıxmaqla rekord vurub.
"Real"ın ulduzu üç müxtəlif onillikdə həm dünya, həm də Avropa çempionatlarında 4 dəfə çıxış edən ilk oyunçu kimi tarixə düşüb. O, 4 Dünya Kuboku (2006, 2014, 2018 və 2022) və dörd Avropa çempionatında (2008, 2012, 2016, 2021) oynayıb.
