Mötəbər yarış Şuşada keçiriləcək!
Mayın 20-21-də Astarada qadınlar arasında 3x3 basketbol üzrə Dünya Qadınlar Seriyasının oyunları keçiriləcək.
mediasport.az xəbər verir ki, turnirdə 3x3 qadın milli komandamızla yanaşı, iki klub, ümumilikdə, 12 kollektiv qüvvəsini sınayacaq.
Astaradan sonra Şuşa və Bakı da mötəbər basketbol yarışlarına ev sahibliyi edəcək.
Astarada təşkil olunacaq turnirdə Azərbaycan, Almaniya, Çin, Polşa, Misir, Çexiya, Macarıstan, Rumıniya, Ukrayna və Avstriyanın yığma komandaları, Çinin "Yuanda" və yerli "Neftçi" klubları mübarizə aparacaqlar.
3x3 basketbol üzrə dünya Qadınlar Seriyasının oyunları Astara şəhər bulvarında keçiriləcək və “CBC Sport” telekanalı vasitəsilə canlı yayımlanacaq.
