Naxçıvanda "Heydər Əliyev Kuboku"nun qalibləri müəyyənləşib
Naxçıvanda voleybolçu qızlar arasında "Heydər Əliyev Kuboku" uğrunda turnir keçirilib.
Mediasport.az xəbər verir ki, yarış muxtar respublikanın 100 illik yubileyi və ümummilli lider Heydər Əliyevin anadan olmasının 101-ci ildönümünə həsr olunub.
Final matçında “Naxçıvan” və “Sədərək” komandaları qarşılaşıblar, ikincilər 2:0 hesabı ilə qalib gələrək “Heydər Əliyev Kuboku”nu qazanıblar.
"Naxçıvan" gümüş, Culfanı məğlub edən “Kəngərli” isə bürünc medalları əldə edib.
Mükafatlandırma mərasimində Naxçıvan Muxtar Respublikasının gənclər və idman naziri vəzifəsinin müvəqqəti icraçısı, nazir müavini Məcid Seyidov, təhsil naziri səlahiyyətlərinin müvəqqəti icraçısı, nazir müavini Elxan Nəcəfov, Naxçıvan Voleybol Federasiyasının prezidenti Vüqar Əliyev və digərləri təqdim ediblər.
Birinciliyin rəmzi komandasında yer alan voleybolçulara fərdi mükafatlar verilib.
İlk üç yerin sahibinə diplom, medallar və kuboklar təqdim edilib.
Qeyd edək ki, "Heydər Əliyev Kuboku"nda 8 komanda mübarizə aparıb.
