"Neftçi" ilk transferini açıqladı
"Neftçi” qış fasiləsi dönəmində ilk transferini rəsmiləşdirib.
Mediasport.az xəbər verir ki, paytaxt klubu yaponiyalı yarımmüdafiəçi Ryonosuke Ohorini rənglərinə bağlayıb.
18 nömrəli formanı geyinəcək 24 yaşlı futbolçu ilə 5 ay + 2 il şərti ilə müqavilə imzalanıb.
Ohori futbola Yaponiyanın “Sanfreççe” klubunun akademiyasında başlayıb.
Sonuncu klubu “Transinvest”in (Litva) heyətində 2024-cü ilin fevralından meydana çıxdığı 31 çempionat matçında 6 qola imza atıb.
